Денеска Македонија гласа за претседател на државата и за нов состав на Собранието.
Во вториот круг за избор на претседател на Македонија можете да гласате за преставничката на опозициската ВМРО-ДПМНЕ, Гордана Силјановска Давкова, која победи во првиот круг и актуелниот претседател Стево Пендаровски, кандидат на владејачката СДСМ.
На парламентарните избори пак можете да гласате за “Коалицијата за европска иднина“ предводена од СДСМ, коалицијата „Твоја Македонија“ на ВМРО-ДПМНЕ, коалицијата „Храбро за Македонија“ предводена од ГРОМ, коалицијата „Европски фронт“ на ДУИ, Левица, коалицијата на албанскиот опозициски блок „Вреди“, Движење ЗНАМ – За наша Македонија, Единствена Македонија, Нова алтернатива Скопје, АВАЈА, Европско граѓанско движење, Македонска ера трета/Македонски независни листи – Суверенисти, Твоја партија, Родина Македонија, Десна, Демократи Скопје и Работничката партија.
На двојните избори можете да гласате само еднаш.
Вчера гласаа болните и изнемоштените, осудениците и дијаспората.
ПОВРЗАНИ ВЕСТИ
Двојните избори ќе ги следат 1.303 домашни и 860 странски набљудувачи, се гласа само еднаш
Фото: Игор Бансколиев